As voces das pedras-Restos arqueolóxicos de Pazos de Borbén

O gran número de restos arqueolóxicos atopados nas terras de Pazos de Borbén constitúe un dos grandes tesouros cos que conta este municipio. O asentamento de culturas prehistóricas é moi evidente, dada a multitude de gravados rupestres (do latín rupes ‘roca’) e asentamentos da cultura castrexa atopados na súa área xeográfica.

Os primeiros xacementos arqueolóxicos atopados pertencen ao período comprendido entre o 3000 e o 1800 antes de Cristo; con todo, o marco cronolóxico que máis documentado está é a Idade de Bronce, que vai, mutatis mutandis en función da área xeográfica, desde o 1800 ao 600 antes de Cristo.