Castro de Pedra Moura

Este asentamento, preto da Oliveira, ofrece ao interesado a oportunidade de investigar sobre a época da nosa historia en que se desenvolveu a cultura castrexa. Datado da Idade do Ferro, o Castro de Pedra Moura deixa ver aspectos propios da época, como as vivendas circulares (na imaxe pode apreciarse unha en restauración), parapetos e muros defensivos que aínda están por restaurar pero cuxas pegadas poden apreciarse no terreo.