Villa Sudamérica

Casa indiana de estilo ecléctico construída na segunda década do XX, de granito, de planta rectangular con baixo e primeiro andar.
O edificio presenta unha composición simétrica; na parte superior destaca unha fila de ameas ornamentais e o remate central, co nome da edificación e as iniciais JP, que remiten ao promotor da mesma.

A villa Sudamérica a mandou construír o matrimonio formado por José Penedo Pérez e Josefa Estarque Méndez, os cales tiñan actividades comerciais relacionadas coa cervexa en Brasil. O carpinteiro que traballou na obra foi Manuel Torres, e o canteiro, Miguel da Escola.